वैष्णवी के बिहतरा मड़वा, शुभ छवावन लागै।
ननपन के सुरता
पिंउरीहरदिहालुगरिया, मनभावन लागै।।
हरियर मड़वा सजावत हे भैया राजा।
कमलपुरी सजत, बजत मंगल बाजा।।
अँगरी ला धरके सुवासिन, मंडप लानन लागै।
वैष्णवी के बिहतरामड़वा, बड़ सुहावन लागै।
फुफूदाई मन नेंगजोग करवाये ।
तेल हरदी चुपर हाँसै गोठियाये।।
नहडोरी नेंग होत अँगना,तिय नहवावन लागै।
वैष्णवी के बिहतरा मड़वा,बड़ सुहावन लागै।
चिकट-हरदाही दाई जल भरै नैना। राजदुलारी बेटी सजे फूलकैना।।
दुवारी बाजत बाजा गड़वा,जीव हरसावन लागै।
वैष्णवी के बिहतरा मड़वा,बड़ सुहावन लागै।
असीद दे बड़ेदाई मंगलगीत गावै ।
अटलसोहागसुख रानी बेटी पावै।
राजलछमी करै मोरे पुतरी, देव मनावन लागै।
वैष्णवी के बिहतरामड़वा,बड़ सुहावन लागै।
वैष्णवी के बिहतरामड़वा, बड़ सुहावत लागै।।
शोभामोहन श्रीवास्तव
24/06/2024
शुभस्थान-महुदा
No comments:
Post a Comment