गौरी गौरा गीत
जागौ जागौ गौरी गौरा, जगमग जगमग रात हो।
जागौ जागौ गौरी गौरा, रिगबिग करसा हाथ हो।
जागौ जागौ गौरी गौरा, आज देवारी के रात हो।
जागौ जागौ गौरी गौरा,गली चलत तुँहरे बात हो।
जागौ जागौ गौरी गौरा,माथ में मकुट खपाव हो।
जागौ जागौ गौरी गौरा, कंकनमउर बँधाव हो।
जागौ जागौ गौरी गौरा, पानीगरहन कराव हो।।
जागौ जागौ गौरी गौरा,जागत जागत गाँव हो।
जागौ जागौ गौरी गौरा,दरसन के तुँहरे आस हो।
जागौ जागौ गौरी गौरा,जनमजनम के प्यास हो।
जागौ जागौ गौरी गौरा, लइका तुँहर जुरियात हो।
जागौ जागौ गौरी गौरा, गाँव गोहर लगात हो।
शोभामोहन श्रीवास्तव
No comments:
Post a Comment