हरिवोलमना छन्द जगकारन तैं। जगधारन तैं।।

हरिवोलमना छन्द 

जगकारन तैं। जगधारन तैं।।
विश्वभंर तैं। हरि तैं हर तैं।।
जे जानत हे। ते मानत हे।
नइ भानत हे। उही तानत हे।।
जगपोंसन तैं । जगतोसन तैं।।
परमेश्वर तैं।  विश्वेश्वर तैं।।
सुरनायक तैं। सुखदायक तैं।।
बड़ उज्जर तैं। बड़ सुघ्घर तैं।।
भीतर घट तैं। बाहिर पट तैं।।
सबमें रमता। रखके समता।।
तन ला उजरा। मन ला उजरा।।
आँखी उघरा । चित्त ला सुघरा।।
पबरित गति दे। पबरित मति दे।।
दहरा गहिरा। भव ले बहिरा।।
सत ला सपड़ा। रहपट झपड़ा।।
सुधरै गत हा। बाँचै पत ला।।
अँगरी धरके । किरपा करके ।।
सुख बाट चला । सुघरा बुध ला ।।
कुछु ज्ञान नही । पहिचान नहीं।।
दुख दोख भगा। अउ भाग जगा।।

शुभचन्द्रसूर्या शोभामोहन श्रीवास्तव
विक्रम संवत २०८१ भादो अंधियारी पाख डोकरी नवमी क्रोधी तद्नुसार २६/०९/२४