लाल लाला लला लाललाला लला
तार दे तार दे तार दे शारदे।
चित्त के पित्त ला मार दे शारदे ।।
गीत के धार ला छन्द में छाँद दे।
भावखर्रा शबद ब्रह्म में साँद दे।।
उटका खुटका जमो भुर्री तैं बार दे।।
तार दे तार दे तार दे तार दे।
चित्त के पित्त ला मार दे शारदे ।।
भेज तो तैं दिये गीत के गाँव में।
बाँध माया के घुँघरू दुनों पाँव में।।
भाव ला शब्द के रूप सिंगार दे।।
हालथौं बाजथे रेंगथौं टूटथे।
मोर महतारी तोर अँगरी छूटथे।।
तार दे तार दे तार दे शारदे।
चित्त के पित्त ला मार दे शारदे ।।
No comments:
Post a Comment