३/कलेचुप
कुटिल कुटिल मुस्कान कलेचुप ।
मया मिटाये मान कलेचुप ।
आलस भरे बिहान कलेचुप ।
सँझा किरन मलान कलेचुप ।
कुलकत धरती राग कलेचुप ।
बादर नेतत पाग कलेचुप ।
मिटका झन अब जाग कलेचुप।
जागत हावय भाग कलेचुप।।
कलियन होत जवान कलेचुप ।
भौरा सन गोठियान कलेचुप ।।
करत फूल रसदान कलेचुप ।
पुरवा बेधत बान कलेचुप ।।
धरनी रंग रिझात कलेचुप।
बादर उड़े बलात कलेचुप ।।
मन दू भाग बटात कलेचुप ।
चोला जग डेनियात कलेचुप ।।
शोभामोहन श्रीवास्तव
No comments:
Post a Comment