बइठे ऊपर तल्ला माया रचत निराला ।
अठतल्ला गढ़ महल अटारी,
ईश चलात अटाला।
बइठे ऊपर तल्ला माया रचत निराला ।
पहिली तल्ला रूप बिसय के,
मोती अउ मणिमाला।
बइठे ऊपर तल्ला माया रचत निराला ।
दूसर तल्ला धन दौलत के,
छाये मेकरजाला।
बइठे ऊपर तल्ला माया रचत निराला ।
तीसर तल्ला पद गरिमा दे,
गोभत गरब के भाला।।
बइठे ऊपर तल्ला माया रचत निराला ।
चौथा तल्ला सुखकर अन्नो,
सुख बगराने वाला।
बइठे ऊपर तल्ला माया रचत निराला ।
पंचम तल्ला निर्मल हिरदे,
दे बरसात सुधा ला।
बइठे ऊपर तल्ला माया रचत निराला ।
छट्टमतल्ला राखे रिधिसिधि,
जोग भठाये चाला।
बइठे ऊपर तल्ला माया रचत निराला ।
सप्तम तल्ला दिव्यज्योति के,
चारोखुँट उजियाला।
बइठे ऊपर तल्ला माया रचत निराला ।
शोभामोहन अष्टम तल्ला,
जाये कर जोरा ला।
बइठे ऊपर तल्ला माया रचत निराला ।
शोभामोहन श्रीवास्तव
०१/०६/२०२१
पाटन
No comments:
Post a Comment