जग के नता बनत के ताय

जग के नता बनत के ताय

जग के नता बनत के ताय ।
पतझड़ के डारी खाँधी मा,
नहीं बसंती फूल खिलाय। जग के नता बनत...
बन के अगन बढ़ा पुरवइया,
तुलसी चौंरा दिया बुताय।। जग के नता बनत..
प्यास बुतइया पानी बिफरै,
सँउहत काल रूप बन जाय। जग के नता बन..
रात अँधेरी बजनी बाजे,
उवत सुरुज वो दीप बुताय।जग के नता बनत..
जड़कल्ला पिछलग्गा किंजरै,
कुहुक घरी जग रबि गरियाय। जग के नता बनत..
चंदा जोहत अरग देवइया,
भादो चउथी चंद्र लुकाय।जग के नता बनत..
गरज परे मा पाँव पखारैं,
पाछू नइ चिन्हय गोठियाय। जग के नता बनत..

शोभामोहन
30/01/2020