कोनजनी कोन कोती जाही रेंगत रेंगत पीरा मन

 

कोनजनी कोन कोती जाही

रेंगत रेंगत पीरा मन ।

कौंड़ी मोल बेचावै कइसे,

बइठ बजार मा हीरा मन ।।

कोनजनी कोन कोती...........................

धरे तमूरा राजमहल ले,

जीव निकलगे मीरा बन।

सुख के साध कहत बँसुरी बन,

पीरा कहत कबीरा बन ।।

कोनजनी कोन कोती...............................

अंतस जागै का कमती हें,

बाजै ढ़ोल मँजीरा झन ।

सब गँवाय के मोल हवय का,

खोज मया के सीरा झन ।।

कोनजनी कोन कोती.........................

कतका मीट्ठी कर डारे हस,

देख होय अब कीरा झन ।

फोरा बिक्कट टनटनात हे,

मोह कहत कर चीरा झन ।।

कोनजनी कोन कोती.........................

शोभामोहन

०7/०६/२०१६