चारो भइया पे जावौं, बलिहार गुँइया

चारो भइया पे जावौं, बलिहार गुँइया ।

धन-धन होगे भाग ह हमार गुँइया ।।

माथ मा मटुकिया सोहत रगरग ले ।

मुचमुच हाँसी मुँहरन जगजग ले ।।

आँखी नहीं थकत निहार गुँइया ।

चारो भइया पे जावौं बलिहार गुँइया ।।......1

घुँघराली केश हे बरत कस आँखी।

गोठ झरै मधु सिरतोन गउ साखी।।

कुछु बूता झन आँखी ला तियार गुँइया ।

चारो भइया पे जावौं बलिहार गुँइया ।।......2

मोती मनि जड़े गर पहिरे हे माला ।

पँहुची मुँदरी हीरा बरत निराला ।।

चारो कोती होगे उजियार गुँइया ।

चारो भइया पे जावौ बलिहार गुँइया ।।......3

शोभामोहन जेकर गावत हे जस ला ।

काटे बर मन अँधियारी बरकस ला ।।

जेकर हे महिमा अपार गुँइया ।

चारो भइया पे जावौं बलिहार गुँइया ।।......4

शोभामोहन श्रीवास्तव

28/06/2019

सोंढ़ बेरला बेमेतरा

19Mohan Srivastava Poet, Sunil Pande और 17 अन्य लोग

11 कमेंट

लाइक करें

कमेंट करें

शेयर करें