सैनिक के गोसइन के बिरहा
पिंउरी धोवाये गवन कराये
चलदेस तभो इहें हस लगथे,
निकले होबे छोड़त मन।
पिंउरी धोवाये गवन कराये,
रूप झुलत उही नैन सजन।।
जगमग जोगनी लुकलुक लुकलुक,
सुरता चुँदरी ओढ़त मन।
कहत आसरा झन थक बिरहिन,
दरस सधौरा जोर जतन।।
आमा मउरत फेर सँघरबो,
सुख के बीजहा बोंबो घन।
जंगल झाड़ी मरुथल राखत,
भुला गये घर गाँव अपन।
देशराज रखवार शिरोमनी,
साँस करत तोर नाव जपन।
शुभचन्द्रसूर्या शोभामोहन
No comments:
Post a Comment