तोर शरण हौं शंकरभोला (राग धनाश्री)
तोर शरण हौं शंकर भोला
राम भगति दे मोला।।
तैं जीते प्रभु तीनो पुर ला,
बइठे मगन अबोला।।
तोर शरण हौं शंकरभोला
रतिपति के हे भसम करैया,
आरुग बुध दे मोला।
लहर लगा दे भक्ति जगा दे,
ये जग आगी गोला।
तोर शरण हौं शंकरभोला,
काशी वासी जगत उदासी,
पार लगा दे चोला।
कोन परम पद पाथे जोगी,
मैं नइ जानौ ओला।
तोर शरण हौं शंकरभोला,
हे कैलाशी भवदुखनाशी
सुमित हावौं तोला।
भाग उविस तब जनम मिले हे,
मनखे देह अमोला।
तोर शरण हौं शंकरभोला
अउ झन भटकै शोभामोहन,
बदलत बदलत चोला।
तोर शरण हौं शंकरभोला
राम भगति दे मोला।।
तोर शरण हौं शंकरभोला
शोभामोहन
No comments:
Post a Comment