२
कमल फूल तरिया फुलगे राजा
कमल फूल तरिया फुलगे राजा।
कमल फूल तरिया फुलगे राजा।।
आँसू ले सेजरिया फुलगे राजा।
आँसू ले सेजरिया फुलगे राजा।
आमा फुलगे अउ परसा फुलगे।
आमा फुलगे अउ परसा फुलगे।
अमली फुलगे बगैचा गंध घुलगे।
अमली फुलगे बगैचा गंध घुलगे।
आँसू ले सेजरिया फुलगे राजा।
आँसू ले सेजरिया फुलगे राजा।
कमल फूल तरिया फुलगे राजा।।
कमल फूल तरिया फुलगे राजा।।
मोंगरा फुलगे चमेली हा फुलगे।
मोंगरा फुलगे चमेली हा फुलगे।
बेला डारी लहसगे अउ झुलगे।।
बेला डारी लहसगे अउ झुलगे।।
आँखी ले आँसू ढुलगे राजा।
आँखी ले आँसू ढुलगे राजा।।
कमल फूल तरिया फुलगे राजा।।
कमल फूल तरिया फुलगे राजा।।
सरसों फुलगे अउ काँसी फुलगे।
सरसों फुलगे अउ काँसी फुलगे।
बारा बछर के बंधना हा खुलगे।
बारा बछर के बंधना हा खुलगे।
गौंतरिहा आये दुख भुलगे राजा।
गौंतरिहा आये दुख भुलगे राजा।
कमल फूल तरिया फुलगे राजा।।
कमल फूल तरिया फुलगे राजा।।
शुभ चन्द्रसूर्या शोभामोहन श्रीवास्तव
रायपुर छत्तीसगढ़ मो. 91710 96 309
No comments:
Post a Comment