कोनो न सकिन गुन गाये हो
कोनो न सकिन गुन गाये प्रभु तोर,
कोनो न सकिन गुन गाये हो।
बीना बजा सरसतिया गाइन।
लिख लिख के गनपति थर्राइन।
फेर न सकिन गुन गाये प्रभु तोर, कोनो न सकिस गुन गाये हो।
ध्यान लगा शिव शंकर गाइन।
परबतिया ला कथा सुनाइन।।
फेर न सकिन गुन गाये प्रभु तोर, कोनो न सकिस गुन गाये हो।
क्षीरसिंधु सुत श्रीहरि गाइन।
नारद गा नइ मुँह सुखाइन,
फेर न सकिन गुन गाये प्रभु तोर,
कोनो न सकिस गुन गाये हो।
रिखिमुनि गा गा देह तपाइन।
शोभामोहन मनभर गाइन।।
फेर न सकिन गुन गाये प्रभु तोर, कोनो न सकिन गुन गाये हो।
शुभचन्द्रसूर्या शोभामोहन श्रीवास्तव
रायपुर छत्तीसगढ़
मों 9171096309
No comments:
Post a Comment