करौ भारत के जयजयकार।

करौ भारत के जयजयकार।
जात-पंथ में झन भँगियावौ, करौ देश बढ़वार ।
करौ भारत के जय-जयकार।
इही हमर छँइहा-भुँइया हे, अउ जिनगी आधार।
करौ भारत के जयजयकार।
इहें हमर हे धर्म संस्कृति, अउ सभ्यता चिन्हार।
करौ भारत के जय-जयकार।
परमतत्व साक्षात इहें हे, धर लीला अवतार।
करौ भारत के जय-जयकार।
सब स्वारथ ला पाछू राखौ, पहिली देश बिचार।।
करौ भारत के जय-जयकार।
बैरीदल के छाती टोरे, सब होवौ तैयार।
करौ भारत के जय-जयकार।
जुड़ जावौ सब बाँह जोड़ के, जब्बर करे प्रहार।
करौ भारत के जय-जयकार।