पहुना सत्कार गीत
जोहारौं आवौ पहुना
मंगलमय शुभ बार, जोहारौं आवौ पहुना।
धन धन भाग हमार, पधारौ आवौ पहुना।।
मंगलकरसा द्वार मढ़ावौं, मंगलटीका माथ लगावौं।।
पहिरावौं फूलहार, जोहारौं आवौ पहुना।।
धन धन भाग हमार, पधारौ आवौ पहुना।।
आरुग जल ले पाँव पखारौं, आरती कर करके सत्कारौं।।
ऊँच आसन बइठार, जोहारौं आवौ पहुना।
धन धन भाग हमार, पधारौ आवौ पहुना।।
फूलकसिया लोटा अउ थारी,
देवँव कलेवा कर सत्कारी।
बारम्बार जोहार, जोहारौं आवौ पहुना।।
धन धन भाग हमार, पधारौ आवौ पहुना।।
शोभामोहन श्रीवास्तव
२६/०६/२०१९
No comments:
Post a Comment