देशभक्ति गीत छत्तीसगढ़ी
सेना में भेजेंव तोला ।
अजम हे मन में मोला ।।
आबे रे बेटा बैरी ला मार।।
तैं हर धरती महतारी।
के करबे सेवादारी ।।
दाई के देबे करजा उतार।।
सेना में भेजेंव तोला ।
अजम हे मन में मोला ।।
आबे रे बेटा बैरी ला मार।।
तैं राखबे जंगल झाड़ी ।
समुन्दर ऊँच पहाड़ी।।
चटकन के झन राखबे उधार।।
सेना में भेजेंव तोला ।
अजम हे मन में मोला ।।
आबे रे बेटा बैरी ला मार।।
धरके ध्वजा तिरंगा ।
लहराबे संगी संगा।।
करबे भुँइया के जय जयकार।।
सेना में भेजेंव तोला ।
अजम हे मन में मोला ।।
आबे रे बेटा बैरी ला मार।।
No comments:
Post a Comment