चुनावी ददरिया
१/
बोट ला डारौ चुने ला सरकार।
देश ले जेन मिटावै बियापे भस्टाचार।।
२/
देश के दशा अउ बदलही।
भारत भुँइया भर चर चर ले कमल फूलही।।
३/
सोच समझ के बोट ला देब तोर।
चिन्ह देश धरम द्रोही बटपार अउ चोर।।
४/
रोजे रँधई में कुड़ेरा फुटगे ।
भ्रष्टाचारी नेता मन हमर देश ला लुटगे।।
५/
नेता के मन में दया नइ हे।
का बोलत हे तेकर थया नइ हे।।
६/
नदिया के पानी बोहावै धारे धार।
चारे सौ सीट देवाहू ये मोदी के सरकार।।
७/
चोर मन गिंजरत बन बड़ साव।
उँकर टोटा अब धरके जेले में ओइलाव।।
८/
आधा ला खावैं आधा ला बटवाय।
अइसन रोगहा नेता मन के नावेच बुताय।।
९/
पानी के परते लोहा तो मुरचाय।
भ्रष्टाचारी ये चुनई में चुन के झन आय।।
१०/
नेता के गोठ हे फलरफइया।
जीत के नइ चिन्है ओ हे निरदइया ।।
No comments:
Post a Comment